Plato, Republic, book 10 292:

ταῦτα δή, ἔφην, ἀπολελογήσθω ἡμῖν ἀναμνησθεῖσιν περὶ ποιήσεωσ, ὅτι εἰκότωσ ἄρα τότε αὐτὴν ἐκ τῆσ πόλεωσ ἀπεστέλλομεν τοιαύτην οὖσαν· ὁ γὰρ λόγοσ ἡμᾶσ ᾕρει. προσείπωμεν δὲ αὐτῇ, μὴ καί τινα σκληρότητα ἡμῶν καὶ ἀγροικίαν καταγνῷ, ὅτι παλαιὰ μέν τισ διαφορὰ φιλοσοφίᾳ τε καὶ ποιητικῇ· καὶ γὰρ ἡ "λακέρυζα πρὸσ δεσπόταν κύων ἐκείνη "κραυγάζουσα" καὶ "μέγασ ἐν ἀφρόνων κενεαγορίαισι" καὶ ὁ "τῶν διασόφων ὄχλοσ κρατῶν" καὶ οἱ "λεπτῶσ μεριμνῶντεσ," ὅτι ἄρα "πένονται," καὶ ἄλλα μυρία σημεῖα παλαιᾶσ ἐναντιώσεωσ τούτων.