Plato, Republic, book 1 385:

ταῦτα εἰπὼν ὁ Θρασύμαχοσ ἐν νῷ εἶχεν ἀπιέναι, ὥσπερ βαλανεὺσ ἡμῶν καταντλήσασ κατὰ τῶν ὤτων ἁθρόον καὶ πολὺν τὸν λόγον· οὐ μὴν εἰάσάν γε αὐτὸν οἱ παρόντεσ, ἀλλ’ ἠνάγκασαν ὑπομεῖναί τε καὶ παρασχεῖν τῶν εἰρημένων λόγον. καὶ δὴ ἔγωγε καὶ αὐτὸσ πάνυ ἐδεόμην τε καὶ εἶπον· ὦ δαιμόνιε Θρασύμαχε, οἱο͂ν ἐμβαλὼν λόγον ἐν νῷ ἔχεισ ἀπιέναι πρὶν διδάξαι ἱκανῶσ ἢ μαθεῖν εἴτε οὕτωσ εἴτε ἄλλωσ ἔχει;