Plato, Republic, book 1 350:

ἢ αὐτὴ αὑτῇ τὸ συμφέρον σκέψεται; ἢ οὔτε αὑτῆσ οὔτε ἄλλησ προσδεῖται ἐπὶ τὴν αὑτῆσ πονηρίαν τὸ συμφέρον σκοπεῖν· οὔτε γὰρ πονηρία οὔτε ἁμαρτία οὐδεμία οὐδεμιᾷ τέχνῃ πάρεστιν, οὐδὲ προσήκει τέχνῃ ἄλλῳ τὸ συμφέρον ζητεῖν ἢ ἐκείνῳ οὗ τέχνη ἐστίν, αὐτὴ δὲ ἀβλαβὴσ καὶ ἀκέραιόσ ἐστιν ὀρθὴ οὖσα, ἑώσπερ ἂν ᾖ ἑκάστη ἀκριβὴσ ὅλη ἥπερ ἐστίν; καὶ σκόπει ἐκείνῳ τῷ ἀκριβεῖ λόγῳ· οὕτωσ ἢ ἄλλωσ ἔχει;