Plato, Republic, book 1 23:

ἠῖμεν οὖν οἴκαδε εἰσ τοῦ Πολεμάρχου, καὶ Λυσίαν τε αὐτόθι κατελάβομεν καὶ Εὐθύδημον, τοὺσ τοῦ Πολεμάρχου ἀδελφούσ, καὶ δὴ καὶ Θρασύμαχον τὸν Καλχηδόνιον καὶ Χαρμαντίδην τὸν Παιανιᾶ καὶ Κλειτοφῶντα τὸν Ἀριστωνύμου· ἦν δ’ ἔνδον καὶ ὁ πατὴρ ὁ τοῦ Πολεμάρχου Κέφαλοσ. καὶ μάλα πρεσβύτησ μοι ἔδοξεν εἶναι· διὰ χρόνου γὰρ καὶ ἑωράκη αὐτόν. καθῆστο δὲ ἐστεφανωμένοσ ἐπί τινοσ προσκεφαλαίου τε καὶ δίφρου·