헬라어 문장 검색 - ΠλατόΕπιστλέ01́

(플라톤, Epistles, Letter 1)

Πλάτων Διονυσίῳ εὖ πράττειν. διατρίψασ ἐγὼ παρ’ ὑμῖν χρόνον τοσοῦτον καὶ διοικῶν τὴν ὑμετέραν ἀρχὴν πεπιστευμένοσ πάντων μάλιστα, τὰσ ὠφελίασ ὑμῶν λαμβανόντων, τὰσ διαβολὰσ δυσχερεῖσ οὔσασ ὑπέμενον·

ᾔδη γὰρ ὅτι τῶν ὠμοτέρων οὐδὲν ἐμοῦ συνεθέλοντοσ ὑμῖν δόξει πεπρᾶχθαι· πάντεσ γὰρ οἱ συμπολιτευόμενοι μεθ’ ὑμῶν ὑπάρχουσί μοι μάρτυρεσ, ὧν ἐγὼ πολλοῖσ συνηγωνισάμην, ἀπολύσασ αὐτοὺσ οὐ σμικρᾶσ ζημίασ. αὐτοκράτωρ δὲ πολλάκισ τὴν ὑμετέραν πόλιν διαφυλάξασ, ἀπεπέμφθην ἀτιμότερον ἢ πτωχὸν ὑμῶν ἀποστελλόντων προσήκει καὶ κελευόντων ἐκπλεῦσαι, τοσοῦτον παρ’ ὑμῖν διατρίψαντα χρόνον.

ἐγὼ μὲν οὖν περὶ ἐμαυτοῦ βουλεύσομαι τὸ λοιπὸν τρόπον ἀπανθρωπότερον, σὺ δὲ τοιοῦτοσ ὢν τύραννοσ οἰκήσεισ μόνοσ. τὸ δὲ χρυσίον τὸ λαμπρόν, ὅπερ ἔδωκασ εἰσ ἀποστολήν, ἄγει σοι Βακχεῖοσ ὁ τὴν ἐπιστολὴν φέρων· οὔτε γὰρ ἐφόδιον ἐκεῖνό γ’ ἦν ἱκανὸν οὔτε πρὸσ τὸν ἄλλον βίον συμφέρον, ἀδοξίαν δὲ πλείστην τῷ διδόντι σοὶ παρασκευάζον, οὐ πολλῷ δὲ ἐλάττω κἀμοὶ λαμβάνοντι, διόπερ οὐ λαμβάνω.

σοὶ δ’ οὐδὲν διαφέρει δῆλον ὅτι καὶ λαβεῖν καὶ δοῦναι τοσοῦτον, ὥστε κομισάμενοσ ἄλλον τινὰ τῶν ἑταίρων θεράπευσον ὥσπερ ἐμέ· κἀγὼ γὰρ ἱκανῶσ ὑπὸ σοῦ τεθεράπευμαι. καί μοι τὸ τοῦ Εὐριπίδου κατὰ καιρόν ἐστιν εἰπεῖν, ὅτι σοὶ πραγμάτων ἄλλων ποτὲ συμπεσόντων ‐ εὔξῃ τοιοῦτον ἄνδρα σοι παρεστάναι.

ὑπομνῆσαι δέ σε βούλομαι διότι καὶ τῶν ἄλλων τραγῳδοποιῶν οἱ πλεῖστοι, ὅταν ὑπό τινοσ ἀποθνῄσκοντα τύραννον εἰσάγωσιν, ἀναβοῶντα ποιοῦσιν ‐ φίλων ἔρημοσ, ὦ τάλασ, ἀπόλλυμαι· χρυσίου δὲ σπάνει ἀπολλύμενον οὐδεὶσ πεποίηκεν.

κἀκεῖνο δὲ τὸ ποίημα τοῖσ νοῦν ἔχουσιν οὐ κακῶσ ἔχειν δοκεῖ ‐ οὐ χρυσὸσ ἀγλαὸσ σπανιώτατοσ ἐν θνατῶν δυσελπί‐στῳ βίῳ,οὐδ’ ἀδάμασ οὐδ’ ἀργύρου κλῖναι πρὸσ ἄνθρωπονδοκιμαζόμεν’ ἀστράπτει πρὸσ ὄψεισ· οὐδὲ γαίασ εὐρυπέδου γόνιμοι βρίθοντεσ αὐτάρκεισγύαι,ὡσ ἀγαθῶν ἀνδρῶν ὁμοφράδμων νόησισ. ἔρρωσο, καὶ γίγνωσκε τοσοῦτον ἡμῶν διημαρτηκώσ, ἵνα πρὸσ τοὺσ ἄλλουσ βέλτιον προσφέρῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Epistles, Letter 1

(플라톤, Epistles, Letter 1)

상위

목록

SEARCH

MENU NAVIGATION