헬라어 문장 검색 - Λυξιαν́Διαλογι

(루키아노스, Dialogi meretricii, Κλωνάριον καὶ Λέαινα.)

καινὰ περὶ σοῦ ἀκούομεν, ὦ Λέαινα, τὴν Λεσβίαν Μέγιλλαν τὴν πλουσίαν ἐρᾶν σου ὥσπερ ἄνδρα καὶ συνεῖναι ὑμᾶσ οὐκ οἶδ̓ ὅ τι ποιούσασ μετ̓ ἀλλήλων. τί τοῦτο; ἠρυθρίασασ; ἀλλ̓ εἰπὲ εἰ ἀληθῆ ταῦτά ἐστιν. ἀληθῆ, ὦ Κλωνάριον· αἰσχύνομαι δέ, ἀλλόκοτον γάρ τί ἐστι. πρὸσ τῆσ κουροτρόφου τί τὸ πρᾶγμα, ἢ τί βούλεται ἡ γυνή; τί δὲ καὶ πράττετε, ὅταν συνῆτε; ὁρᾷσ; οὐ φιλεῖσ με· οὐ γὰρ ἂν ἀπεκρύπτου τὰ τοιαῦτα. φιλῶ μέν σε, εἰ καί τινα ἄλλην. ἡ γυνὴ δὲ δεινῶσ ἀνδρική ἐστιν. οὐ μανθάνω ὅ τι καὶ λέγεισ, εἰ μή τισ ἑταιρίστρια τυγχάνει οὖσα·

τοιαύτασ γάρ ἐν Λέσβῳ λέγουσι γυναῖκασ ἀρρενωπούσ, ὑπ̓ ἀνδρῶν μὲν οὐκ ἐθελούσασ αὐτὸ πάσχειν, γυναιξὶ δὲ αὐτὰσ πλησιαζούσασ ὥσπερ ἄνδρασ. τοιοῦτόν τι. οὐκοῦν, ὦ Λέαινα, τοῦτο αὐτὸ καὶ διήγησαι, ὅπωσ μὲν ἐπείρα τὸ πρῶτον, ὅπωσ δὲ καὶ σὺ συνεπείσθησ καὶ τὰ μετὰ ταῦτα. πότον τινὰ συγκροτοῦσαι αὐτ1ή τε καὶ Δημώνασσα ἡ Κορινθία, πλουτοῦσα δὲ καὶ αὐτὴ καὶ ὁμότεχνοσ οὖσα τῇ Μεγίλλῃ, παρέλαβον κἀμὲ κιθαρίζειν αὐταῖσ· ἐπεὶ δὲ ἐκιθάρισα καὶ ἀωρὶ ἦν καὶ ἔδει καθεύδειν, αἱ δὲ ἐμέθυον, Ἄγε δή, ἔφη, ὦ Λέαινα, ἡ Μέγιλλα, 16%2 κοιμᾶσθαι γὰρ ἤδη καλόν, ἐνταῦθα κάθευδε μεθ̓ ἡμῶν μέση ἀμφοτέρων. ἐκάθευδεσ; τὸ μετὰ τοῦτο τί ἐγένετο; κατεφίλουν με τὸ πρῶτον ὥσπερ οἱ ἄνδρεσ, οὐκ αὐτὸ μόνον προσαρμόζουσαι τὰ χείλη, ἀλλ̓ ὑπανοίγουσαι τὸ στόμα, καὶ περιέβαλλον καὶ τοὺσ μαστοὺσ ἀπέθλιβον·

ἡ Δημώνασσα δὲ καὶ ἔδακνε μεταξὺ καταφιλοῦσα· ἐγὼ δὲ οὐκ εἶχον εἰκάσαι ὅ τι τὸ πρᾶγμα εἰή. χρόνῳ δὲ ἡ Μέγιλλα ὑπόθερμοσ ἤδη οὖσα τὴν μὲν πηνήκην ἀφείλετο τῆσ κεφαλῆσ, ἐπέκειτο δὲ πάνυ ὁμοία καὶ προσφυήσ, καὶ ἐν χρῷ ὤφθη αὐτὴ καθάπερ οἱ σφόδρα ἀνδρώδεισ τῶν ἀθλητῶν ἀποκεκαρμένη· κἀγὼ ἐταράχθην ἰδοῦσα. ἡ δέ, Ὦ Λέαινα, φησίν, ἑώρακασ ἤδη οὕτω καλὸν νεανίσκον; ἀλλ̓ οὐχ ὁρῶ γε, ἔφην ἐγώ, νεανίσκον ἐνταῦθα, ὦ Μέγιλλα. μή με καταθήλυνε, ἔφη, Μέγιλλοσ γὰρ ἐγὼ λέγομαι καὶ γεγάμηκα πρόπαλαι ταύτην τὴν Δημώνασσαν, καὶ ἔστιν ἐμὴ γυνή. ἐγέλασα, ὦ Κλωνάριον, ἐπὶ τούτῳ καὶ ἔφην, Οὐκοῦν σύ, ὦ Μέγιλλε, ἀνήρ τισ ὢν ἐλελήθεισ ἡμᾶσ, καθάπερ τὸν Ἀχιλλέα φασὶν ἐν ταῖσ παρθένοισ κρυπτόμενον ταῖσ ἁλουργίσι; καὶ ὅπερ οἱ ἄνδρεσ; ἐκεῖνο μέν ἔφη, ὦ Λέαινα, οὐκ ἔχω· δέομαι δὲ οὐδὲ πάνυ αὐτοῦ· ἴδιον δέ τινα τρόπον ἡδίω παρὰ πολὺ ὁμιλοῦντα ὄψει με. ἀλλὰ μὴ Ἑρμαφρόδιτοσ εἶ, ἔφην, οἱοῖ πολλοὶ εἶναι λέγονται ἀμφότερα ἔχοντεσ; ἔτι γὰρ ἠγνόουν, ὦ Κλωνάριον, τὸ πρᾶγμα. οὔ, φησίν, ἀλλὰ τὸ πὰν ἀνήρ εἰμι. ἤκουσα, ἔφην ἐγώ, τῆσ Βοιωτίασ αὐλητρίδοσ Ἰσμηνοδώρασ διηγουμένησ τὰ ἐφέστια παῤ αὐτοῖσ, ὡσ γένοιτό τισ ἐν Θήβαισ ἐκ γυναικὸσ ἀνήρ, ὁ δ̓ αὐτὸσ καὶ μάντισ ἄριστοσ, οἶμαι, Τειρεσίασ τοὔνομα.

μὴ οὖν καὶ σὺ τοιοῦτόν τι πέπονθασ; οὔκουν, ὦ Λέαινα, ἔφη, ἀλλὰ ἐγεννήθην μὲν ὁμοία ταῖσ ἄλλαισ ὑμῖν, ἡ γνώμη δὲ καὶ ἡ ἐπιθυμία καὶ τἆλλα πάντα ἀνδρόσ ἐστί μοι. καὶ ἱκανὴ γοῦν σοι, ἔφην, ἐπιθυμία; πάρεχε γοῦν, ὦ Λέαινα, εἰ ἀπιστεῖσ, ἔφη, καὶ γνώσῃ οὐδὲν ἐνδέουσάν με τῶν ἀνδρῶν· ἔχω γάρ τι ἀντὶ τοῦ ἀνδρείου. ἀλλὰ πάρεχε, ὄψει γάρ. παρέσχον, ὦ Κλωνάριον, ἱκετευούσησ πολλὰ καὶ ὁρ́μον τινά μοι δούσησ τῶν πολυτελῶν καὶ ὀθόνασ τῶν λεπτῶν. εἶτ̓ ἐγὼ μὲν ὥσπερ ἄνδρα περιελάμβανον, ἡ δὲ ἐφίλει τε καὶ ἐποίει καὶ ἤσθμαινε καὶ ἐδόκει μοι ἐσ ὑπερβολὴν ἥδεσθαι. τί ἐποίει, ὦ Λέαινα, ἢ τίνα τρόπον; τοῦτο γὰρ μάλιστα εἰπέ. μὴ ἀνάκρινε ἀκριβῶσ, αἰσχρὰ γάρ· ὥστε μὰ τὴν οὐρανίαν οὐκ ἄν εἴποιμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi meretricii, Κλωνάριον καὶ Λέαινα.

(루키아노스, Dialogi meretricii, Κλωνάριον καὶ Λέαινα.)

상위

목록

SEARCH

MENU NAVIGATION