헬라어 문장 검색 - ΕπιξτέΩορκσ́63́

(에픽테토스, Works, gnomologium epicteteum e( stobaei libris 1-2))

Ἐπικτήτου. Θεοὺσ δικαίᾳ καὶ μεμετρημένῃ διαθέσει τίμα, ἀλλὰ μὴ ἀμέτροισ δωρεαῖσ κολάκευε· οὔτε γὰρ κολακείᾳ χαίρει θεὸσ οὔτε ὁ κολακεύων τιμᾷ τὸ θεῖον. Θεοῖσ θῦε μὴ ἡνίκα ἂν πλουτήσῃσ, ἀλλ’ ἡνίκα ἂν φρονήσῃσ, τὸ μὲν γὰρ πλουτεῖν καὶ τῶν κακοδαιμόνων, τὸ δὲ φρονεῖν μόνον ἴδιον εὐδαιμόνων. Παρὰ θεῶν μὴ συνεχῆ αἴτει ὑγίειαν σώματοσ, ἀλλὰ διηνεκῶσ λάμβανε σωφροσύνην ψυχῆσ·

καὶ οὔτε ῥᾳδίωσ νοσήσεισ οὔτε νοσῶν δυσαρεστήσεισ. Μὴ ὧν ἐπιθυμεῖσ ταῦτα παρὰ θεῶν αἴτει, ἀλλ’ ὅπωσ αὐτῆσ ἀπαλλαγῇσ τῆσ ἐπιθυμίασ, τοῦτο ζήτει παρὰ θεῶν.

τότε σου εἰσακούουσιν οἱ θεοί, ἡνίκα ἂν μὴ περὶ τῶν ἡδέων, ἀλλὰ περὶ τῶν καλῶν εὔχῃ. καὶ τότε σοι δώσουσι τὰ καλά, ἡνίκα μὴ ἡδονῇ, ἀλλ’ ἀρετῇ χαίρεισ. Μέμνησο παρὰ τῶν μεγάλων αἰτεῖν τὰ μεγάλα·

μικρὰ γὰρ οὐκ ἂν δοῖεν. οὐδὲν θεοῦ μεῖζον καὶ ὑψηλότερον· εὐχόμενοσ τοιγαροῦν θεοῖσ αἴτει τὰ θεῖα, ὧν οὐδὲν σάρκινον καὶ γήινον ψαύει πάθοσ. Ὥσπερ μέλιτταν οὐ διὰ τὸ κέντρον μισεῖσ, ἀλλὰ διὰ τὸν καρπὸν τημελεῖσ, οὕτω καὶ φίλον μὴ δι’ ἐπίπληξιν ἀποστραφῇσ, ἀλλὰ διὰ τὴν εὔνοιαν ἀγάπα.

Εοἴκασιν οἱ κόλακεσ κηφῆσι·

καὶ γὰρ ἀργοὶ καὶ ἄκεντροι καὶ τοὺσ ἀλλοτρίουσ ἀναλίσκοντεσ καμάτουσ. οἱ φθονεροὶ σφηξί· καὶ γὰρ πληκτικοὶ καὶ ἄποροι καὶ ἀμετάδοτοι καὶ ἄχρειοι. οἱ χρηστοὶ μελίτταισ· καὶ γὰρ φιλόπονοι καὶ αὐτουργοὶ καὶ οἰκονομικοὶ καὶ εὔποροι καὶ πρᾷοι καὶ ἐπιπληκτικοὶ καὶ κοινωνικοί. ὥστ’, εἰ βούλει φίλοσ ὑπάρχων μετὰ πολλῶν διάγειν φίλων, μιμοῦ τὴν μέλιτταν· καθαρὸν ἔστω σοι τὸ σμῆνοσ κηφήνων καὶ σφηκῶν. Τοὺσ εἰσ φιλίαν σοι καθιέντασ δοκίμαζε μὴ ἐξ ὧν σοι δωροῦνται, ἀλλ’ ἐξ ὧν ἑαυτοῖσ μνῶνται καὶ χαρίζονται καὶ κατεπηγγείλαντο καὶ διέθεσαν.

Οὐ τὰ χρήματα φίλοι, ἀλλ’ ὁ φίλοσ χρήματα.

καὶ χρήματα μὲν φιλίαν οὐδέποτ’ ἂν ἐργάσαιντο, ὥσπερ οὐδὲ γῆ θεόν· φιλία δὲ χρήματα καὶ ἄλλωσ ἂν κτήσαιτο, καθάπερ θεὸσ γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, gnomologium epicteteum e( stobaei libris 1-2)

(에픽테토스, Works, gnomologium epicteteum e( stobaei libris 1-2))

상위

목록

SEARCH

MENU NAVIGATION