헬라어 문장 검색 - ΕπιξτέΩορκσ́53́

(에픽테토스, Works, chapter 46)

Μηδαμοῦ σεαυτὸν εἴπῃσ φιλόσοφον μηδὲ λάλει τὸ πολὺ ἐν ἰδιώταισ περὶ τῶν θεωρημάτων, ἀλλὰ ποίει τὸ ἀπὸ τῶν θεωρημάτων· οἱο͂ν ἐν συμποσίῳ μὴ λέγε, πῶσ δεῖ ἐσθίειν, ἀλλ’ ἔσθιε, ὡσ δεῖ. μέμνησο γάρ, ὅτι οὕτωσ ἀφῃρήκει πανταχόθεν Σωκράτησ τὸ ἐπιδεικτικόν, ὥστε ἤρχοντο πρὸσ αὐτὸν βουλόμενοι φιλοσόφοισ ὑπ’ αὐτοῦ συσταθῆναι, κἀκεῖνοσ ἀπῆγεν αὐτούσ. οὕτωσ ἠνείχετο παρορώμενοσ.

κἂν περὶ θεωρήματόσ τινοσ ἐν ἰδιώταισ ἐμπίπτῃ λόγοσ, σιώπα τὸ πολύ· μέγασ γὰρ ὁ κίνδυνοσ εὐθὺσ ἐξεμέσαι, ὃ οὐκ ἔπεψασ. καὶ ὅταν εἴπῃ σοί τισ, ὅτι οὐδὲν οἶσθα, καὶ σὺ μὴ δηχθῇσ, τότε ἴσθι, ὅτι ἄρχῃ τοῦ ἔργου. ἐπεὶ καὶ τὰ πρόβατα οὐ χόρτον φέροντα τοῖσ ποιμέσιν ἐπιδεικνύει πόσον, ἔφαγεν, ἀλλὰ τὴν νομὴν ἔσω πέψαντα ἔρια ἔξω φέρει καὶ γάλα· καὶ σὺ τοίνυν μὴ τὰ θεωρήματα τοῖσ ἰδιώταισ ἐπιδείκνυε, ἀλλ’ ἀπ’ αὐτῶν πεφθέντων τὰ ἔργα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Epictetus, Works, chapter 46

(에픽테토스, Works, chapter 46)

상위

목록

SEARCH

MENU NAVIGATION