Demosthenes, Speeches 21-30, Κατὰ Ἀφόβου Β 25:

οὗτοσ δὲ καὶ μεταπεμφθῆναι φάσκων ὑπὸ τοῦ πατρόσ, καὶ ἐλθὼν εἰσ τὴν οἰκίαν, εἰσελθεῖν μὲν οὔ φησιν ὡσ τὸν μεταπεμψάμενον, οὐδ’ ὁμολογῆσαι περὶ τούτων οὐδέν, Δημοφῶντοσ δ’ ἀκοῦσαι γραμματεῖον ἀναγιγνώσκοντοσ καὶ Θηριππίδου λέγοντοσ ὡσ ἐκεῖνοσ ταῦτα διέθετο, καὶ προεισεληλυθὼσ καὶ ἅπαντα διωμολογημένοσ πρὸσ τὸν πατέρα, ὅσαπερ ἐκεῖνοσ γράψασ κατέλιπεν.