Demosthenes, Speeches 21-30, Κατὰ Ἀφόβου Ἐπιτροπῆσ Α 85:

καίτοι πῶσ οὐ δεινόν, εἰ ἕτεροι μὲν οἶκοι ταλαντιαῖοι καὶ διτάλαντοι καταλειφθέντεσ ἐκ τοῦ μισθωθῆναι διπλάσιοι καὶ τριπλάσιοι γεγόνασιν, ὥστ’ ἀξιοῦσθαι λῃτουργεῖν, ὁ δ’ ἐμὸσ τριηραρχεῖν εἰθισμένοσ καὶ μεγάλασ εἰσφορὰσ εἰσφέρειν μηδὲ μικρὰσ δυνήσεται διὰ τὰσ τούτων ἀναισχυντίασ; τίνασ δ’ οὗτοι λελοίπασιν ὑπερβολὰσ εἰπεῖν; οἳ καὶ τὴν διαθήκην ἠφανίκασιν ὡσ λήσοντεσ, καὶ τὰσ μὲν σφετέρασ αὐτῶν οὐσίασ ἐκ τῶν ἐπικαρπιῶν διῳκήκασι καὶ τἀρχαῖα τῶν ὑπαρχόντων ἐκ τῶν ἐμῶν πολλῷ μείζω πεποιήκασι, τῆσ δ’ ἐμῆσ οὐσίασ, ὥσπερ τὰ μέγισθ’ ὑφ’ ἡμῶν ἀδικηθέντεσ, ὅλον τὸ κεφάλαιον ἀνῃρήκασι;