Demosthenes, Speeches 21-30, Κατὰ Ἀφόβου Ἐπιτροπῆσ Α 63:

τὴν μὲν προῖκα λαβεῖν ὁμολογήσαντα καὶ ἔχειν αὐτὸν πρὸσ τοὺσ ἐπιτρόπουσ ἀπογράψαντα, τὸ δ’ ἐργαστήριον κεκαρπωμένον αὐτὸν καὶ τὴν πρόσοδον οὐκ ἀποφαίνοντα, τῶν δ’ ἄλλων τὰ μὲν πεπρακότα καὶ τὰσ τιμὰσ οὐκ ἀποδεδωκότα, τὰ δ’ ὡσ ἑαυτὸν λαβόντα καὶ ταῦτ’ ἠφανικότα, ἔτι δὲ παρὰ τὸν λόγον ὃν αὐτὸσ ἀπέδωκε τοσαῦτα κλέπτοντα, πρὸσ δὲ τούτοισ τὴν διαθήκην ἠφανικότα, τὰ ἀνδράποδα πεπρακότα, τἄλλ’ οὕτω πάντα διῳκηκότα, ὡσ οὐδ’ ἂν οἱ ἔχθιστοι διοικήσειαν;