Demosthenes, Speeches 21-30, Κατὰ Ἀφόβου Ἐπιτροπῆσ Α 40:

καὶ μήν, ὦ ἄνδρεσ δικασταί, καὶ τὰ περὶ τοῦ ἐλέφαντοσ καὶ σιδήρου τοῦ καταλειφθέντοσ παραπλήσιά πωσ τούτοισ πεποιήκασιν· οὐδὲ γὰρ ταῦτ’ ἀποφαίνουσιν. καίτοι κεκτημένον μὲν τοσούτουσ κλινοποιούσ, κεκτημένον δὲ μαχαιροποιοὺσ οὐχ οἱο͂́ν τε μὴ οὐχὶ καὶ σίδηρον καὶ ἐλέφαντα καταλιπεῖν, ἀλλ’ ἀνάγκη ταῦτά γ’ ὑπάρχειν· τί γὰρ ἂν ἠργάζοντο τούτων μὴ ὑπαρξάντων;