Demosthenes, Speeches 21-30, Κατὰ Ἀφόβου Ἐπιτροπῆσ Α 21:

καίτοι εἰ φανήσεται πρόσ τε τὸν Δημοχάρη ταῦθ’ ὡμολογηκὼσ καὶ πρὸσ τοὺσ ἄλλουσ οἳ παρῆσαν, παρά τε τοῦ Δημοφῶντοσ καὶ τοῦ Θηριππίδου τῶν ἀνδραπόδων εἰσ τὴν προῖκα τὰσ τιμὰσ εἰληφώσ, αὐτόσ θ’ ἑαυτὸν ἔχειν τὴν προῖκ’ ἀπογράψασ πρὸσ τοὺσ συνεπιτρόπουσ, οἰκῶν τε τὴν οἰκίαν ἐπειδὴ τάχιστ’ ἐτελεύτησεν ὁ πατήρ, πῶσ οὐκ ἐκ πάντων ὁμολογουμένου τοῦ πράγματοσ εὑρεθήσεται φανερῶσ τὴν προῖκα, τὰσ ὀγδοήκοντα μνᾶσ, κεκομισμένοσ, καὶ λίαν ἀναιδῶσ μὴ λαβεῖν ἐξαρνούμενοσ;