Demosthenes, Speeches 21-30, Κατὰ Ἀφόβου Ἐπιτροπῆσ Α 19:

καὶ ἐπειδὴ εἶχεν, ἐκπλεῖν μέλλων εἰσ Κέρκυραν τριήραρχοσ, ἀπέγραψε ταῦτα πρὸσ Θηριππίδην ἔχονθ’ ἑαυτὸν καὶ ὡμολόγει κεκομίσθαι τὴν προῖκα. καὶ πρῶτον μὲν τούτων Δημοφῶν καὶ Θηριππίδησ, οἱ τούτου συνεπίτροποι, μάρτυρέσ εἰσιν· ἔτι δὲ καὶ ὡσ αὐτὸσ ὡμολόγει ταῦτ’ ἔχειν, Δημοχάρησ θ’ ὁ Λευκονοεύσ, ὁ τὴν τηθίδα τὴν ἐμὴν ἔχων, καὶ ἄλλοι πολλοὶ μάρτυρεσ γεγόνασιν.