Demosthenes, Speeches 21-30, Κατὰ Ἀριστογείτονοσ Α 121:

πῶσ δ’ εἰσ τὸ μητρῷον βαδιεῖσθε, ἄν τι βούλησθε; οὐ γὰρ δήπου καθ’ ἕν’ ὑμῶν ἕκαστοσ ὡσ ἐπὶ κυρίουσ τοὺσ νόμουσ πορεύσεται, εἰ νῦν μὴ βεβαιώσαντεσ αὐτοὺσ ἔξιθ’ ἅπαντεσ κοινῇ. πῶσ δὲ ταῖσ νουμηνίαισ εἰσ ἀκρόπολιν ἀναβαίνοντεσ τἀγαθὰ τῇ πόλει διδόναι καὶ ἕκαστοσ ἑαυτῷ τοῖσ θεοῖσ εὔξεσθε, ὅταν ὄντοσ τούτου ἐκεῖ καὶ τοῦ πατρὸσ αὐτοῦ τοῦ χρηστοῦ τἀναντία τοῖσ ὁρ́κοισ καὶ τοῖσ ἐκεῖ γράμμασιν ἐγνωκότεσ ἦτε;