Demosthenes, Speeches 21-30, Κατὰ Ἀριστογείτονοσ Α 44:

καὶ τὰ μὲν ἄλλ’ ἐάσω· ἀλλ’, Ἀριστογεῖτον, ἑπτὰ γραφὰσ κέκρικάσ με, τοῖσ ὑπὲρ Φιλίππου τότε πράττουσιν σεαυτὸν μισθώσασ, καὶ εὐθύνασ διδόντοσ δὶσ κατηγόρησασ· καὶ Ἀδράστειαν μὲν ἄνθρωποσ ὢν προσκυνῶ, καὶ ἔχω τοῖσ θεοῖσ καὶ πᾶσιν ὑμῖν, ὦ ἄνδρεσ Ἀθηναῖοι, τοῖσ σώσασί με πολλὴν χάριν· οὐδεπώποτε δ’ οὐδὲν ἀληθὲσ λέγων ἐφάνησ, ἀλλ’ ἀεὶ συκοφαντῶν ἠλέγχου. ἐὰν οὖν ἀκύρουσ τοὺσ νόμουσ οὗτοι ποιήσαντεσ ἀφῶσί σε τήμερον, νῦν μ’ ἐξελέγξεισ; περὶ τοῦ;