Demosthenes, Speeches 21-30, Κατὰ Ἀριστογείτονοσ Α 32:

καὶ τί δεῖ λέγειν ὅτι τοῖσ νόμοισ ἅπαντα κοσμεῖται καὶ τῷ τούτοισ πείθεσθαι; ἀλλ’ ὑμεῖσ αὐτοὶ πάντων ἄρτι κληρουμένων Ἀθηναίων, καὶ πάντων εὖ οἶδ’ ὅτι βουλομένων εἰσ τοῦτο λαχεῖν τὸ δικαστήριον, μόνοι δικάζεθ’ ἡμῖν. διὰ τί; ὅτι ἐλάχετε, εἶτ’ ἀπεκληρώθητε· ταῦτα δ’ οἱ νόμοι λέγουσιν. εἶθ’ ὑμεῖσ αὐτοὶ κατὰ τοὺσ νόμουσ εἰσεληλυθότεσ τὸν παρὰ τοὺσ νόμουσ λέγειν ἢ πράττειν τι βιαζόμενον λαβόντεσ ἀφήσετε; καὶ οὐδεὶσ ὑμῶν χολὴν οὐδ’ ὀργὴν ἔχων φανήσεται ἐφ’ οἷσ ὁ βδελυρὸσ καὶ ἀναιδὴσ ἄνθρωποσ βιάζεται τοὺσ νόμουσ;