Demosthenes, Speeches 21-30, Κατὰ Τιμοκράτους 287:

δεῖ τοίνυν ὑμᾶσ κἀκεῖνο σκοπεῖν, ὅτι πολλοὶ τῶν Ἑλλήνων πολλάκισ εἰσὶν ἐψηφισμένοι τοῖσ νόμοισ χρῆσθαι τοῖσ ὑμετέροισ, ἐφ’ ᾧ φιλοτιμεῖσθ’ ὑμεῖσ, εἰκότωσ· ὃ γὰρ εἰπεῖν τινά φασιν ἐν ὑμῖν, ἀληθὲσ εἶναί μοι δοκεῖ, ὅτι τοὺσ νόμουσ ἅπαντεσ ὑπειλήφασιν, ὅσοι σωφρονοῦσι, τρόπουσ τῆσ πόλεωσ. χρὴ τοίνυν σπουδάζειν ὅπωσ ὡσ βέλτιστοι δόξουσιν εἶναι, καὶ τοὺσ λυμαινομένουσ καὶ διαστρέφοντασ αὐτοὺσ κολάζειν, ὡσ εἰ καταρρᾳθυμήσετε, τῆσ φιλοτιμίασ τε ταύτησ ἀποστερήσεσθε καὶ κατὰ τῆσ πόλεωσ δόξαν οὐ χρηστὴν ποιήσετε.