Demosthenes, Speeches 21-30, Κατὰ Τιμοκράτους? 229:

δημηγορίαν δ ἐπὶ τούτοις ποιούμενος, ὡς ἔστι τριῶν αἱρ´εσις, ἢ τὰ πομπεῖα κατακόπτειν ἢ πάλιν εἰσφέρειν ἢ τοὺς ὀφείλοντας εἰσπράττειν, αἱρουμένων εἰκότως ὑμῶν τοὺς ὀφείλοντας εἰσπράττειν, ταῖς ὑποσχέσεσιν κατέχων καὶ διὰ τὸν καιρὸν ὃς ἦν τότ ἔχων ἐξουσίαν, τοῖς μὲν κειμένοις νόμοις περὶ τούτων οὐκ ᾤετο δεῖν χρῆσθαι, οὐδ, εἰ μὴ τούτους ἐνόμιζ ἱκανούς, ἑτέρους τιθέναι, ψηφίσματα δ εἶπεν ἐν ὑμῖν δεινὰ καὶ παράνομα, δι ὧν ἠργολάβει, προσαγωγεῖ τούτῳ χρώμενος τῶν λημμάτων.