Demosthenes, Speeches 21-30, Κατὰ Τιμοκράτους 198:

εἶτα τούτοισ μὲν ἔδει κυρίουσ τοὺσ πάλαι κειμένουσ νόμουσ εἶναι, καὶ δεδωκέναι δίκην αὐτοὺσ κατὰ τοὺσ ὑπάρχοντασ νόμουσ· δι’ Ἀνδροτίωνα δὲ καὶ Γλαυκέτην καὶ Μελάνωπον καινὸν δεῖ γενέσθαι νόμον, διὰ τοὺσ ἑαλωκότασ καὶ ψήφῳ κεκριμένουσ κατὰ τοὺσ πάλαι κειμένουσ νόμουσ καὶ δόξαντασ ἔχειν ἱερὰ χρήματα καὶ ὅσια; εἶτ’ οὐ καταγέλαστοσ δόξει ἡ πόλισ εἶναι, εἰ τοῖσ ἱεροσύλοισ, ὅπωσ σωθήσονται, νόμον φανεῖται τιθεμένη; ἔγωγ’ οἶμαι.