Demosthenes, Speeches 21-30, Κατὰ Τιμοκράτους 115:

ἀλλ’ οὔτε ταῦτα ποιήσειεν ἂν οὐδεὶσ ὑγιαίνων, οἶμαι, σύ τ’ ἐκεῖνα λύων ἠδίκεισ. χρῆν γὰρ αὐτόν, εἰ τὸ πρᾶγμ’ ἐνόμιζεν δίκαιον, ἐπὶ τοῖσ ὕστερον γενησομένοισ θεῖναι τὸν νόμον, καὶ μὴ συνενεγκόντ’ εἰσ ταὐτὸ τὰ μέλλοντα τοῖσ παρεληλυθόσιν καὶ τὰ μὴ δῆλα τοῖσ φανεροῖσ ἀδικήμασιν, εἶτ’ ἐπὶ πᾶσι γράψαι τὴν αὐτὴν γνώμην. πῶσ γὰρ οὐ δεινὸν τῶν αὐτῶν ἠξιωκέναι δικαίων τοὺσ ἐξεληλεγμένουσ ἀδικοῦντασ τὴν πόλιν πρότερον καὶ τοὺσ μηδ’ εἰ κρίσεωσ ἄξιον ἐργάσονταί τι δήλουσ;