Demosthenes, Speeches 21-30, Κατὰ Τιμοκράτους 14:

ψήφισμ’ εἶπεν ἐν ὑμῖν Ἀριστοφῶν ἑλέσθαι ζητητάσ, εἰ δέ τισ οἶδέν τιν’ ἢ τῶν ἱερῶν ἢ τῶν ὁσίων χρημάτων ἔχοντά τι τῆσ πόλεωσ, μηνύειν πρὸσ τούτουσ. μετὰ ταῦτ’ ἐμήνυσεν Εὐκτήμων ἔχειν Ἀρχέβιον καὶ Λυσιθείδην τριηραρχήσαντασ χρήματα Ναυκρατιτικά, τίμημα τάλαντ’ ἐννέα καὶ τριάκοντα μνᾶσ. προσῆλθε τῇ βουλῇ, προβούλευμ’ ἐγράφη. μετὰ ταῦτα γενομένησ ἐκκλησίασ προὐχειροτόνησεν ὁ δῆμοσ.