Demosthenes, Speeches 21-30, Κατὰ Τιμοκράτους 8:

ἵνα δ’ ὑμῶν μηδεὶσ θαυμάζῃ τί δή ποτ’ ἐγὼ μετρίωσ, ὥσ γ’ ἐμαυτὸν πείθω, τὸν ἄλλον χρόνον βεβιωκὼσ νῦν ἐν ἀγῶσι καὶ γραφαῖσ δημοσίαισ ἐξετάζομαι, βούλομαι μικρὰ πρὸσ ὑμᾶσ εἰπεῖν· ἔσται δὲ ταῦτ’ οὐκ ἄπο τοῦ πράγματοσ. ἐγὼ γάρ, ὦ ἄνδρεσ Ἀθηναῖοι, προσέκρουσ’ ἀνθρώπῳ πονηρῷ καὶ φιλαπεχθήμονι καὶ θεοῖσ ἐχθρῷ, ᾧ τελευτῶσ’ ὅλη προσέκρουσεν ἡ πόλισ, Ἀνδροτίωνα λέγω.