Demosthenes, Speeches 21-30, Κατὰ Ἀριστοκράτους 151:

βούλομαι δ’ ἤδη καὶ τοῦθ’ ὑμῖν ἐπιδεικνύναι. ἵνα δ’ ὡσ διὰ βραχυτάτου λόγου δῆλον ὃ βούλομαι ποιήσω, παράδειγμά τι γνώριμον πᾶσιν ὑμῖν ἐρῶ. ἴσθ’ ὅτι συμφέρει τῇ πόλει μήτε Θηβαίουσ μήτε Λακεδαιμονίουσ ἰσχύειν, ἀλλὰ τοῖσ μὲν Φωκέασ ἀντιπάλουσ, τοῖσ δ’ ἄλλουσ τινὰσ εἶναι· ἐκ γὰρ τοῦ ταῦθ’ οὕτωσ ἔχειν ἡμῖν ὑπάρχει μεγίστοισ οὖσιν ἀσφαλῶσ οἰκεῖν.