Demosthenes, Speeches 21-30, Κατὰ Ἀριστοκράτους 101:

δεύτερον δ’ ἕτερον δικαστήριον τὸ τῶν ἀκουσίων φόνων φανήσεται συγχέων, τοὐπὶ Παλλαδίῳ, καὶ τοὺσ παρὰ τούτῳ νόμουσ παραβαίνων. καὶ γὰρ ἐνταῦθ’ ὑπόκειται πρῶτον μὲν διωμοσία, δεύτερον δὲ λόγοσ, τρίτον δὲ γνῶσισ τοῦ δικαστηρίου, ὧν οὐδέν ἐστιν ἐν τῷ τούτου ψηφίσματι. ἂν δ’ ἁλῷ καὶ δοκῇ τοὔργον εἰργάσθαι, οὔθ’ ὁ διώκων τοῦ δεδρακότοσ κύριοσ οὔτ’ ἄλλοσ οὐδεὶσ πλὴν ὁ νόμοσ.