Demosthenes, Speeches 21-30, Κατὰ Ἀριστοκράτους 89:

ἠκούσατε μὲν τοῦ νόμου λέγοντοσ ἄντικρυσ, ὦ ἄνδρεσ Ἀθηναῖοι, ὃσ ἂν ἄρχων ἢ ἰδιώτησ αἴτιοσ ᾖ τὸν θεσμὸν συγχυθῆναι τόνδε, ἢ μεταποιήσῃ αὐτόν, ἄτιμοσ ἔστω καὶ οἱ παῖδεσ καὶ τὰ ἐκείνου. ἆρ’ οὖν μικρὰν ἢ φαύλην πρόνοιαν ἔχειν ὑμῖν ὁ θεὶσ τὸν νόμον δοκεῖ, ὅπωσ κύριοσ ἔσται καὶ μήτε συγχυθήσεται μήτ’ αὖ μεταποιηθήσεται; ἀλλ’ Ἀριστοκράτησ οὑτοσὶ μικρὰ φροντίσασ αὐτοῦ μεταποιεῖ καὶ συγχεῖ. τί γὰρ ἄλλ’ ἐστὶν τὸ μεταποιεῖν ἢ ὅταν ἔξω τῶν τεταγμένων δικαστηρίων καὶ ὁρ́ων, ὧν εἴργεσθαι δεῖ, διδῷ τισ τὰσ τιμωρίασ, καὶ τὸ λόγου τυχεῖν ἀναιρῶν ἐκδότουσ ποιῇ; τί δ’ ἄλλο τὸ συγχεῖν ἢ ὅταν ἑξῆσ οὑτωσὶ πάντα τἀναντία τῶν ἐν τοῖσ νόμοισ τισ γεγραμμένων γράφῃ;