Demosthenes, Speeches 21-30, Κατὰ Ἀριστοκράτους 85:

ἀλλὰ νὴ Δία συκοφαντοῦμεν τὸ πρᾶγμα· τίνα γὰρ οἴσει ἢ ἄξει βίᾳ ἀδίκωσ Χαρίδημοσ; πάντασ ἀνθρώπουσ. ἴστε γὰρ δήπου τοῦθ’ ὅτι πάντεσ οἱ στράτευμ’ ἔχοντεσ, ὧν ἂν οἰώνται κρείττουσ ἔσεσθαι, ἄγουσι καὶ φέρουσι χρήματ’ αἰτοῦντεσ. εἶτ’ οὐ δεινόν, ὦ γῆ καὶ θεοί, καὶ φανερῶσ παράνομον, οὐ μόνον παρὰ τὸν γεγραμμένον νόμον, ἀλλὰ καὶ παρὰ τὸν κοινὸν ἁπάντων ἀνθρώπων, τὸν ἄγοντ’ ἢ φέροντα βίᾳ τἄμ’ ἐν πολεμίου μοίρᾳ μὴ ἐξεῖναί μοι ἀμύνεσθαι, εἴ γε μηδὲ τοῦτον τὸν τρόπον ἐξέσται Χαρίδημον ἀποκτεῖναι, ἀλλά, ἐὰν ἀδικῶν ἄγῃ καὶ φέρῃ βίᾳ τά τινοσ λῃζόμενοσ, ἀγώγιμοσ ὁ κτείνασ ἔσται, τοῦ νόμου διδόντοσ, ἐὰν ἐπὶ τούτοισ, ἀθῷον εἶναι;