Demosthenes, Speeches 21-30, Κατὰ Ἀριστοκράτους 63:

οὐκ ἔνεστ’ εἰπεῖν ὡσ οἶσθα. οὐκοῦν ταῦτά γε δήπου προσῆκε γράψαι ἐάν τισ ἀποκτείνῃ γράφοντα, ἄκων ἢ ἑκών, ἀδίκωσ ἢ δικαίωσ, ξένοσ ἢ πολίτησ, ἵν’ ὅτῳ ποτὲ τοὔργον ἐπράχθη, τούτῳ τὰ ἐκ τῶν νόμων ὑπῆρχε δίκαια, μὴ μὰ Δί’ αὐτὸ τὸ τῆσ αἰτίασ ὄνομ’ εἰπόντα ἀγώγιμοσ ἔστω προσγράψαι. τίνα γὰρ σὺ λέλοιπασ ὁρ́ον τῷ γράμματι τούτῳ, τοῦ νόμου σαφῶσ οὑτωσὶ λέγοντοσ μὴ πέρα ὁρ́ων ἐλαύνειν, ὃσ πανταχόθεν δίδωσ ἄγειν;