Demosthenes, Speeches 21-30, Κατὰ Ἀριστοκράτους 44:

τί λέγεισ; τῶν νόμων οὐδὲ τοὺσ ἑαλωκότασ διδόντων ἀπάγειν πλὴν ἐν τῇ ἡμεδαπῇ, σὺ γράφεισ ἄνευ κρίσεώσ τιν’ ἀγώγιμον ἐκ τῆσ συμμαχίδοσ πάσησ; καὶ οὐδ’ ἐν τῇ ἡμεδαπῇ ἄγειν κελευόντων τῶν νόμων, σὺ δίδωσ ἄγειν πανταχόθεν; καὶ μὴν ἔν γε τῷ ποιεῖν ἀγώγιμον πάνθ’ ὅσ’ ἀπείρηκεν ὁ νόμοσ δέδωκασ, χρήματα πράξασθαι, ζῶντα λυμαίνεσθαι, κακοῦν ἔχοντα, αὐτὸν ἀποκτιννύναι.