Demosthenes, Speeches 21-30, Κατὰ Ἀνδροτίωνοσ Παρανόμων 30:

εἰ μὲν γὰρ ἄλλον τιν’ ἀγῶν’ ἀγωνιζομένου σου ταῦτα κατηγοροῦμεν, δικαίωσ ἂν ἠγανάκτεισ· εἰ δ’ ὁ μὲν νῦν ἐνεστηκὼσ ἀγών ἐστιν παρανόμων, οἱ νόμοι δ’ οὐκ ἐῶσι λέγειν οὐδὲ τὰ ἔννομα τοὺσ οὕτω βεβιωκότασ, ἡμεῖσ δ’ ἐπιδείκνυμεν οὐ μόνον εἰρηκότ’ αὐτὸν παράνομα, ἀλλὰ καὶ βεβιωκότα παρανόμωσ, πῶσ οὐχὶ προσήκει λέγειν περὶ τούτου τοῦ νόμου δι’ οὗ ταῦτ’ ἐλέγχεται;