Demosthenes, Speeches 21-30, Κατὰ Ἀνδροτίωνοσ Παρανόμων 27:

ἔτι τοίνυν ἐπιχειρεῖ λέγειν περὶ τοῦ τῆσ ἑταιρήσεωσ νόμου, ὡσ ὑβρίζομεν ἡμεῖσ καὶ βλασφημίασ οὐχὶ προσηκούσασ κατ’ αὐτοῦ ποιούμεθα. καὶ φησὶ δεῖν ἡμᾶσ, εἴπερ ἐπιστεύομεν εἶναι ταῦτ’ ἀληθῆ, πρὸσ τοὺσ θεσμοθέτασ ἀπαντᾶν, ἵν’ ἐκεῖ περὶ χιλιῶν ἐκινδυνεύομεν, εἰ καταψευδόμενοι ταῦτ’ ἐφαινόμεθα· νῦν δὲ φενακίζειν αἰτίασ καὶ λοιδορίασ κενὰσ ποιουμένουσ, καὶ ἐνοχλεῖν οὐ δικασταῖσ τούτων οὖσιν ὑμῖν.