Demosthenes, Speeches 21-30, Κατὰ Μειδίου περὶ τοῦ Κονδύλου 284:

ὁρᾶτε δέ· αὐτίκα δὴ μάλα, ἐπειδὰν ἀναστῇ τὸ δικαστήριον, εἷσ ἕκαστοσ ὑμῶν, ὁ μὲν θᾶττον ἴσωσ, ὁ δὲ σχολαίτερον, οἴκαδ’ ἄπεισιν οὐδὲν φροντίζων οὐδὲ μεταστρεφόμενοσ οὐδὲ φοβούμενοσ, οὔτ’ εἰ φίλοσ οὔτ’ εἰ μὴ φίλοσ αὑτῷ συντεύξεταί τισ, οὐδέ γ’ εἰ μέγασ ἢ μικρόσ, ἢ ἰσχυρὸσ ἢ ἀσθενήσ, οὐδὲ τῶν τοιούτων οὐδέν. τί δήποτε; ὅτι τῇ ψυχῇ τοῦτ’ οἶδε καὶ θαρρεῖ καὶ πεπίστευκε τῇ πολιτείᾳ, μηδέν’ ἕλξειν μηδ’ ὑβριεῖν μηδὲ τυπτήσειν.