Demosthenes, Speeches 21-30, Κατὰ Μειδίου περὶ τοῦ Κονδύλου? 258:

ἀλλ οὐ Μειδίας, ἀλλ ἀπὸ τῆς ἡμέρας ταύτης λέγει, λοιδορεῖται, βοᾷ. χειροτονεῖταί τις: Μειδίας Ἀναγυράσιος προβέβληται. Πλουτάρχου προξενεῖ, τἀπόρρητ οἶδεν, ἡ πόλις αὐτὸν οὐ χωρεῖ. καὶ ταῦτα πάντα ποιεῖ δῆλον ὅτι οὐδὲν ἄλλ ἐνδεικνύμενος ἢ ὅτι ἐγὼ οὐδὲν πέπονθ ὑπὸ τῆς καταχειροτονίας, οὐδὲ δέδοικ οὐδὲ φοβοῦμαι τὸν μέλλοντ ἀγῶνα.