Demosthenes, Speeches 21-30, Κατὰ Μειδίου περὶ τοῦ Κονδύλου 233:

ἑτέρου τοίνυν ὅ τε δῆμοσ ἅπασ κατεχειροτόνησ’ ἀδικεῖν περὶ τὴν ἑορτήν, καὶ ὑμεῖσ εἰσελθόντ’ ἀπεκτείνατε τοῦτον, Κτησικλέα, ὅτι σκῦτοσ ἔχων ἐπόμπευε, καὶ τούτῳ μεθύων ἐπάταξέ τιν’ ἐχθρὸν ὑπάρχονθ’ ἑαυτῷ· ἐδόκει γὰρ ὕβρει καὶ οὐκ οἴνῳ τύπτειν, ἀλλὰ τὴν ἐπὶ τῆσ πομπῆσ καὶ τοῦ μεθύειν πρόφασιν λαβὼν ἀδικεῖν, ὡσ δούλοισ χρώμενοσ τοῖσ ἐλευθέροισ.