Demosthenes, Speeches 21-30, Κατὰ Μειδίου περὶ τοῦ Κονδύλου 203:

οὗτοσ δέ, ὅτε μὲν κατὰ ταύτην τὴν ἡλικίαν ἦν ἣν ἐγὼ νῦν, οὐδέπω λῃτουργεῖν ἤρχετο, τηνικαῦτα δὲ τοῦ πράγματοσ ἧπται, ὅτε πρῶτον μὲν διακοσίουσ καὶ χιλίουσ πεποιήκατε συντελεῖσ ὑμεῖσ, παρ’ ὧν εἰσπραττόμενοι τάλαντον ταλάντου μισθοῦσι τὰσ τριηραρχίασ οὗτοι, εἶτα πληρώμαθ’ ἡ πόλισ παρέχει καὶ σκεύη δίδωσιν, ὥστ’ αὐτῶν ἐνίοισ τῇ ἀληθείᾳ τὸ μηδὲν ἀναλῶσαι καὶ δοκεῖν λελῃτουργηκέναι καὶ τῶν ἄλλων λῃτουργιῶν ἀτελεῖσ γεγενῆσθαι περίεστιν.