Demosthenes, Speeches 21-30, Κατὰ Μειδίου περὶ τοῦ Κονδύλου 199:

τοσούτων τοίνυν καὶ τοιούτων ὄντων ἃ τῷ βδελυρῷ τούτῳ καὶ ἀναιδεῖ βεβίωται, ἔνιοί μοι προσιόντεσ, ὦ ἄνδρεσ δικασταί, τῶν χρωμένων αὐτῷ, παραινοῦντεσ ἀπαλλαγῆναι καὶ καθυφεῖναι τὸν ἀγῶνα τουτονί, ἐπειδή με μὴ πείθοιεν, ὡσ μὲν οὐ πολλὰ καὶ δεινὰ πεποίηκεν οὗτοσ καὶ δίκην ἡντινοῦν ἂν δοίη δικαίωσ τῶν πεπραγμένων, οὐκ ἐτόλμων λέγειν, ἐπὶ ταῦτα δ’ ἀπήντων ὡσ ἑάλωκεν ἤδη καὶ κατεψήφισται· τίνοσ τιμήσειν αὐτῷ προσδοκᾷσ τὸ δικαστήριον; οὐχ ὁρᾷσ ὅτι πλουτεῖ καὶ τριηραρχίασ ἐρεῖ καὶ λῃτουργίασ; σκόπει δὴ μὴ τούτοισ αὑτὸν ἐξαιτήσηται, καὶ ἐλάττω πολὺ τῇ πόλει καταθεὶσ ἢ ὅσα σοι δίδωσι καταγελάσῃ.