Demosthenes, Speeches 21-30, Κατὰ Μειδίου περὶ τοῦ Κονδύλου 154:

ἐπειδὴ τοίνυν τοῦτο τὸ πρᾶγμ’ οὐδὲ καθ’ ἕν, πανταχῇ στρέφων, οἱο͂́σ τ’ ἦν ἀγαγεῖν ἐπ’ ἐμέ, φανερῶσ ἤδη δι’ ἐμὲ τὸν Ἀρίσταρχον ἐσυκοφάντει. καὶ τὰ μὲν ἄλλα σιωπῶ· τῆσ δὲ βουλῆσ περὶ τούτων καθημένησ καὶ σκοπουμένησ, παρελθὼν οὗτοσ ἀγνοεῖτ’ ἔφη ὦ βουλή, τὸ πρᾶγμα; καὶ τὸν αὐτόχειρ’ ἔχοντεσ λέγων τὸν Ἀρίσταρχον μέλλετε καὶ ζητεῖτε καὶ τετύφωσθε; οὐκ ἀποκτενεῖτε; οὐκ ἐπὶ τὴν οἰκίαν βαδιεῖσθε;