Demosthenes, Speeches 21-30, Κατὰ Μειδίου περὶ τοῦ Κονδύλου 64:

εἰσὶν Ἕλληνέσ τινεσ ἄνθρωποι οὕτωσ ἥμεροι καὶ φιλάνθρωποι τοὺσ τρόπουσ ὥστε πόλλ’ ὑφ’ ὑμῶν ἠδικημένοι, καὶ φύσει τῆσ πρὸσ ὑμᾶσ ἔχθρασ αὐτοῖσ ὑπαρχούσησ πατρικῆσ, ὅμωσ οὐδ’ ὅσων ἂν τιμὴν καταθέντεσ δούλουσ κτήσωνται, οὐδὲ τούτουσ ὑβρίζειν ἀξιοῦσιν, ἀλλὰ νόμον δημοσίᾳ τὸν ταῦτα κωλύσοντα τέθεινται τουτονὶ καὶ πολλοὺσ ἤδη παραβάντασ τὸν νόμον τοῦτον ἐζημιώκασιν θανάτῳ, εἰ ταῦτ’ ἀκούσειαν καὶ συνεῖεν οἱ βάρβαροι, οὐκ ἂν οἰέσθε δημοσίᾳ πάντασ ὑμᾶσ προξένουσ αὑτῶν ποιήσασθαι;