호흡부호 보기
강세부호 보기
장단부호 보기
작은 Iota 보기
모든 부호 보기
οὕτω δ’ ἐξήρτηντο τῶν ἡδυπαθειῶν οἱ τότε ὡσ καὶ Καλλιπύγου Ἀφροδίτησ ἱερὸν ἱδρύσασθαι ἀπὸ τοιαύτησ αἰτίασ. ἀνδρὶ ἀγροίκῳ ἐγένοντο δύο καλαὶ θυγατέρεσ· αὗται φιλονικήσασαί ποτε πρὸσ ἑαυτὰσ προελθοῦσαι ἐπὶ τὴν λεωφόρον διεκρίνοντο ποτέρα εἰή καλλιπυγοτέρα. καί ποτε παριόντοσ νεανίσκου πατέρα πρεσβύτην καὶ πλούσιον ἔχοντοσ ἐπέδειξαν ἑαυτὰσ καὶ τούτῳ· καὶ ὃσ θεασάμενοσ ἔκρινε τὴν πρεσβυτέραν ἧσ καὶ εἰσ ἔρωτα ἐμπεσὼν ἐλθὼν εἰσ ἄστυ κλινήρησ γίνεται καὶ διηγεῖται τὰ γεγενημένα τῷ ἀδελφῷ ἑαυτοῦ ὄντι νεωτέρῳ. ὁ δὲ καὶ αὐτὸσ ἐλθὼν εἰσ τοὺσ ἀγροὺσ καὶ θεασάμενοσ τὰσ παῖδασ ἐρᾷ καὶ αὐτὸσ τῆσ ἑτέρασ, ὁ γοῦν πατὴρ ἐπεὶ παρακαλῶν αὐτοὺσ ἐνδοξοτέρουσ λαβεῖν γάμουσ οὐκ ἔπειθεν, ἄγεται ἐκ τοῦ ἀγροῦ τὰσ παῖδασ αὐτοῖσ, πείσασ ἐκείνων τὸν πατέρα, καὶ ζεύγνυσι τοῖσ υἱοῖσ. αὗται οὖν ὑπὸ τῶν πολιτῶν καλλίπυγοι ἐκαλοῦντο, ὡσ καὶ ὁ Μεγαλοπολίτησ Κερκιδᾶσ ἐν τοῖσ Ιἄμβοισ ἱστορεῖ λέγων ἦν καλλιπύγων ζεῦγοσ ἐν Συρακούσαισ. Ἀφροδίτησ ἱερὸν καλέσασαι Καλλίπυγον τὴν θεόν, ὡσ ἱστορεῖ καὶ Ἀρχέλαοσ ἐν τοῖσ Ιἄμβοισ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기