Athenaeus, The Deipnosophists, Book 12, book 12, chapter 79

(아테나이오스, The Deipnosophists, Book 12, book 12, chapter 79)

"μετὰ χεῖρασ ἄνθη καὶ μῆλα καὶ τὰ τοιαῦτα φέρομεν; "πότερον ὅτι καὶ διὰ τῆσ τούτων ἀγαπήσεωσ ἡ φύσισ μηνύει τοὺσ τῆσ ὡρ́ασ ἔχοντασ τὴν ἐπιθυμίαν; "διὰ τοῦτ’ οὖν οἱονεὶ δεῖγμα τῆσ φύσεωσ τὰ ὡραῖα μετὰ χεῖρασ ἔχουσιν καὶ χαίρουσιν αὐτοῖσ; "ἢ δυοῖν χάριν ταῦτα περιφέρουσιν ἀρχή τε γὰρ ἐντυχίασ καὶ παράδειγμα τῆσ βουλήσεωσ αὐτοῖσ γίνεται διὰ τούτων, αἰτηθεῖσι μὲν τὸ προσαγορευθῆναι, δοῦσι δὲ τὸ προυπογράφειν ὅτι δεῖ καὶ αὐτοὺσ μεταδιδόναι τῆσ ὡρ́ασ. "ἡ γὰρ τῶν ὡραίων ἀνθῶν καὶ καρπῶν αἴτησισ εἰσ ἀντίδοσιν τῆσ τοῦ σώματοσ ὡρ́ασ προκαλεῖται τοὺσ λαβόντασ. "ἢ τὴν τούτων ὡρ́αν παραψυχὴν καὶ παραμυθίαν τῆσ ἐπὶ τῶν ἐρωμένων ὡρ́ασ ταῖσ ἐπιθυμίαισ χαίροντεσ ἔχουσιν αὑτοῖσ. ἐκκρούεται γὰρ ὑπὸ τῆσ τούτων παρουσίασ ὁ τῶν ἐρωμένων πόθοσ, εἰ μὴ ἄρα τοῦ περὶ αὑτοὺσ κόσμου χάριν, καθάπερ ἄλλο τι τῶν πρὸσ καλλωπισμὸν συντεινόντων, ἔχουσί τε ταῦτα καὶ χαίρουσιν αὐτοῖσ. οὐ γὰρ μόνον στεφανουμένων τοῖσ ὡραίοισ ἄνθεσιν, ἀλλὰ καὶ μετὰ χεῖρασ ἐχόντων τὸ πᾶν εἶδοσ ἐπικοσμεῖται. "τάχα δ’ ἴσωσ διὰ τὸ φιλοκάλουσ εἶναι· "δηλοῖ δὲ τὸ τῶν καλῶν ἐρᾶν καὶ πρὸσ τὰ ὡραῖα φιλικῶσ ἔχειν. "καλὸν γὰρ τὸ τῆσ ὀπώρασ καὶ τὸ τῆσ ὡρ́ασ ὄντωσ πρόσωπον ἔν τε καρποῖσι καὶ ἄνθεσι θεωρούμενον. "ἢ πάντεσ οἱ ἐρῶντεσ οἱο͂ν ἐκτρυφῶντεσ ὑπὸ τοῦ πάθουσ καὶ ὡριαινόμενοι τοῖσ ὡραίοισ ἁβρύνονται; "φυσικὸν γὰρ δή τι τὸ τοὺσ οἰομένουσ εἶναι καλοὺσ καὶ ὡραίουσ ἀνθολογεῖν. ὅθεν αἵ τε περὶ τὴν Περσεφόνην ἀνθολογεῖν λέγονται, καὶ Σαπφώ φησιν ἰδεῖν ’ ἄνθε’ ἀμέργουσαν παῖδ’ ἄγαν ἁπαλάν.

일치하는 문장이 없습니다.

SEARCH

MENU NAVIGATION