헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 76)

"Φθιῶτ’ Ἀχιλλεῦ. ἄλλοι δ’ αὐτόν, ὡσ καὶ Ἀριστοφάνησ, πολλάκισ εἰρήκασι φιλύρινον Κινησίαν διὰ τὸ φιλύρασ λαμβάνοντα σανίδα συμπεριζώννυσθαι ἵνα μὴ κάμπτηται διά τε τὸ μῆκοσ καὶ τὴν ἰσχνότητα. ὅτι δὲ ἦν ὁ Κινησίασ νοσώδησ καὶ δεινὸσ τἄλλα Λυσίασ ὁ ῥήτωρ ἐν τῷ ὑπὲρ Φανίου παρανόμων ἐπιγραφομένῳ λόγῳ εἴρηκεν, φάσκων αὐτὸν ἀφέμενον τῆσ τέχνησ συκοφαντεῖν καὶ ἀπὸ τούτου πλουτεῖν. ὅτι δὲ ὁ ποιητήσ ἐστι καὶ οὐχ ἕτεροσ, σαφῶσ αὑτὸσ ὢν σημαίνεται ι ἐκ τοῦ καὶ ἐπὶ ἀθεότητι κωμῳδούμενον ἐμφανίζεσθαι καὶ διὰ τοῦ λόγου τοιοῦτον δείκνυσθαι. λέγει δ’ οὕτωσ ὁ ῥήτωρ· · "θαυμάζω δὲ εἰ μὴ βαρέωσ φέρετε ὅτι Κινησίασ ἐστὶν ὁ τοῖσ νόμοισ βοηθόσ, ὃν ὑμεῖσ πάντεσ ἐπίστασθε ἀσεβέστατον ἁπάντων καὶ παρανομώτατον ἀνθρώπων γεγονέναι. "οὐχ οὗτόσ ἐστιν ὁ τοιαῦτα περὶ θεοὺσ ἐξαμαρτάνων ἃ τοῖσ μὲν ἄλλοισ αἰσχρόν ἐστι καὶ λέγειν, τῶν κωμῳδοδιδασκάλων δ’ ἀκούετε καθ’ ἕκαστον ἐνιαυτόν; "οὐ μετὰ τούτου ποτὲ Ἀπολλοφάνησ καὶ Μυσταλίδησ καὶ Λυσίθεοσ συνειστιῶντο,3 μίαν ἡμέραν ταξάμενοι τῶν ἀποφράδων, ἀντὶ δὲ νουμηνιαστῶν κακοδαιμονιστὰσ σφίσιν αὐτοῖσ τοὔνομα θέμενοι, πρέπον μὲν ταῖσ αὑτῶν τύχαισ· "οὐ μὴν ὡσ τοῦτο διαπραττόμενοι τὴν διάνοιαν ἔσχον, ἀλλ’ ὡσ καταγελῶντεσ τῶν θεῶν καὶ τῶν νόμων τῶν ὑμετέρων. "ἐκείνων μὲν οὖν ἕκαστοσ ἀπώλετο ὥσπερ εἰκὸσ τοὺσ τοιούτουσ, τοῦτον δὲ τὸν ὑπὸ πλείστων γιγνωσκόμενον οἱ θεοὶ οὕτωσ διέθεσαν ὥστε τοὺσ ἐχθροὺσ βούλεσθαι αὐτὸν ζῆν μᾶλλον ἢ τεθνάναι παράδειγμα τοῖσ ἄλλοισ, ἵν’ εἰδῶσιν ὅτι τοῖσ λίαν ὑβριστικῶσ πρὸσ τὰ θεῖα διακειμένοισ οὐκ ἀεὶ εἰσ τοὺσ παῖδασ ἀποτίθενται τὰσ τιμωρίασ, ἀλλ’ αὐτοὺσ κακῶσ ἀπολλύουσι, μείζουσ καὶ χαλεπωτέρασ καὶ τὰσ συμφορὰσ καὶ τὰσ νόσουσ ἢ τοῖσ ἄλλοισ ἀνθρώποισ προσβάλλοντεσ, τὸ μὲν γὰρ ἀποθανεῖν ἢ καμεῖν νομίμωσ κοινὸν ἡμῖν ἅπασίν ἐστι, τὸ δ’ οὕτωσ ἔχοντα τοσοῦτον χρόνον διατελεῖν καὶ καθ’ ἑκάστην ἡμέραν ἀποθνῄσκοντα μὴ δύνασθαι τελευτῆσαι τὸν βίον τούτοισ μόνοισ προσήκει τοῖσ τὰ τοιαῦτα ἅπερ οὗτοσ ἐξημαρτηκόσιν. περὶ μὲν οὖν Κινησίου ταῦτα ὁ ῥήτωρ εἴρηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 76

(아테나이오스, The Deipnosophists, Book 12, book 12, chapter 76)

상위

목록

SEARCH

MENU NAVIGATION