헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 68)

καλῶσ ἄρα ποιοῦντεσ Ῥωμαῖοι οἱ πάντα ἄριστοι Ἀλκαῖον καὶ Φιλίσκον τοὺσ Ἐπικουρείουσ ἐξέβαλον τῆσ πόλεωσ, Λευκίου τοῦ Ποστουμίου ὑπατεύοντοσ, δι’ ἃσ εἰσηγοῦντο ἡδονάσ. ὁμοίωσ δὲ καὶ Μεσσήνιοι κατὰ ψήφισμα ἐξέωσαν τοὺσ Ἐπικουρείουσ, Ἀντίοχοσ δὲ ὁ βασιλεὺσ καὶ πάντασ τοὺσ φιλοσόφουσ τῆσ αὑτοῦ βασιλείασ, γράψασ τάδε "βασιλεὺσ Ἀντίοχοσ Φανίᾳ. ἐγράψαμεν ὑμῖν καὶ πρότερον ὅπωσ μηδεὶσ ᾖ φιλόσοφοσ ἐν τῇ πόλει μηδ’ ἐν τῇ χώρᾳ. πυνθανόμεθα δὲ οὐκ ὀλίγουσ εἶναι καὶ τοὺσ νέουσ λυμαίνεσθαι διὰ τὸ μηθὲν πεποιηκέναι ὑμᾶσ ὧν ἐγράψαμεν περὶ τούτων, ὡσ ἂν οὖν λάβῃσ τὴν ἐπιστολήν, σύνταξον κήρυγμα ποιήσασθαι ὅπωσ οἱ μὲν φιλόσοφοι πάντεσ ἀπαλλάσσωνται ἐκ τῶν τόπων ἤδη, τῶν δὲ νεανίσκων ὅσοι ἐὰν ἁλίσκωνται πρὸσ τούτοισ γινόμενοι διότι κρεμήσονται, καὶ οἱ πατέρεσ αὐτῶν ἐν αἰτίαισ ἔσονται ταῖσ μεγίσταισ· "καὶ μὴ ἄλλωσ γίνηται. τῆσ δ’ ἡδονῆσ πρὸ Ἐπικούρου εἰσηγητὴσ ἐγένετο Σοφοκλῆσ ὁ ποιητὴσ ἐν Ἀντιγόνῃ τοιαῦτα εἰπών τὰσ γὰρ ἡδονὰσ ὅταν προδῶσιν ἄνδρεσ, οὐ τίθημ’ ἐγὼ ’ ζῆν τοῦτον, ἀλλ’ ἔμψυχον ἡγοῦμαι νεκρόν.

πλούτει τε γὰρ κατ’ οἶκον, εἰ βούλει, μέγα καὶ ζῆ τύραννον σχῆμ’ ἔχων ἐὰν δ’ ἀπῇ τούτων τὸ χαίρειν, τἄλλ’ ἐγὼ καπνοῦ σκιᾶσ οὐκ ἂν πριαίμην ἀνδρὶ πρὸσ τὴν ἡδονήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 68

(아테나이오스, The Deipnosophists, Book 12, book 12, chapter 68)

상위

목록

SEARCH

MENU NAVIGATION