헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 62)

οὕτω δὲ παρὰ τοῖσ ἀρχαίοισ τὰ τῆσ τρυφῆσ καὶ τῆσ πολυτελείασ ἠσκεῖτο ὡσ καὶ Παρράσιόν τὸν Ἐφέσιον ζωγράφον πορφύραν ἀμπέχεσθαι, χρυσοῦν στέφανον ἐπὶ τῆσ κεφαλῆσ ἔχοντα, ὡσ ἱστορεῖ Κλέαρχοσ ἐν τοῖσ Βίοισ. οὗτοσ γὰρ παρὰ μέλοσ ὑπὲρ τὴν γραφικὴν τρυφήσασ λόγῳ τῆσ ἀρετῆσ ἀντελαμβάνετο καὶ ἐπέγραφεν τοῖσ ὑπ’ αὐτοῦ ἐπιτελουμένοισ ἔργοισ· ἁβροδίαιτοσ ἀνὴρ ἀρετήν τε σέβων τάδ’ ἔγραψεν. "ῥαβδοδίαιτοσ ἀνήρ. ἐπέγραψεν δ’ ἐπὶ πολλῶν ἔργων αὐτοῦ καὶ τάδε· ἁβροδίαιτοσ ἀνὴρ ἀρετήν τε σέβων τάδ’ ἔγραψεν Παρράσιοσ κλεινῆσ πατρίδοσ ἐξ Ἐφέσου. οὐδὲ πατρὸσ λαθόμην Εὐήνοροσ, ὃσ ῥὰ μ’ ἔφυσε γνήσιον, Ἑλλήνων πρῶτα φέροντα τέχνησ. ηὔχησε δ’ ἀνεμεσήτωσ ἐν τούτοισ · εἰ καὶ ἄπιστα κλύουσι, λέγω τάδε·

φημὶ γὰρ ἤδη τέχνησ εὑρῆσθαι τέρματα τῆσδε σαφῆ χειρὸσ ὑφ’ ἡμετέρησ· ἀνυπέρβλητοσ δὲ πέπηγεν οὖροσ. ἀμώμητον δ’ οὐδὲν ἔγεντο βροτοῖσ. ἀγωνιζόμενοσ δέ ποτε πρὸσ καταδεέστερον ἐν Σάμῳ τὸν Αἰάντα καὶ ἡττηθείσ, συναχθομένων αὐτῷ τῶν φίλων, ἔφη ὡσ αὐτὸσ μὲν ὀλίγον φροντίζοι, Αἰάντι δὲ συνάχθοιτο δεύτερον ἡττηθέντι. ἐφόρει δὲ ὑπὸ τρυφῆσ πορφυρίδα καὶ στρόφιον λευκὸν ἐπὶ τῆσ κεφαλῆσ·

εἶχεν σκίπωνί τε ἐπεστηρίζετο χρυσᾶσ ἕλικασ ἐμπεπαισμένῳ χρυσοῖσ τε ἀνασπαστοῖσ ἐπέσφιγγε τῶν βλαυτῶν τοὺσ ἀναγωγέασ. ἀλλ’ οὐδὲ τὰ κατὰ τήν τέχνην ἀηδῶσ ἐποιεῖτο ἀλλὰ ῥᾳδίωσ, ὡσ καὶ ᾄδειν γράφοντα, ὡσ ἱστορεῖ Θεόφραστοσ ἐν τῷ περὶ Εὐδαιμονίασ τερατευόμενοσ δὲ ἔλεγεν, ὅτε τὸν ἐν Λίνδῳ Ἡρακλέα ἔγραφεν, ὡσ ὄναρ αὐτῷ ἐπιφαινόμενοσ ὁ θεὸσ σχηματίζοι αὑτὸν πρὸσ τὴν τῆσ γραφῆσ ἐπιτηδειότητα. ὅθεν καὶ ἐπέγραψεν τῷ πίνακι· οἱο͂σ δ’ ἐννύχιοσ φαντάζετο πολλάκι φοιτῶν Παρρασίῳ δι’ ὕπνου, τοῖοσ ὅδ’ ἐστὶν ὁρᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 62

(아테나이오스, The Deipnosophists, Book 12, book 12, chapter 62)

상위

목록

SEARCH

MENU NAVIGATION