헬라어 텍스트

Athenaeus, The Deipnosophists, Book 12, book 12, chapter 56

(아테나이오스, The Deipnosophists, Book 12, book 12, chapter 56)

Ἀντίοχον δὲ τὸν Γρυπὸν ἐπικαλούμενον βασιλέα φησὶ Ποσειδώνιοσ ἐν τῇ ὀγδόῃ καὶ εἰκοστῇ τῶν Ἱστοριῶν τὰσ ἐπὶ Δάφνῃ πανηγύρεισ ἐπιτελοῦντα ὑποδοχὰσ λαμπρὰσ ἐπιτελεῖν. ἐν αἷσ τὸ μὲν πρῶτον ἀναδόσεισ ἐγίγνοντο ὁλομελῶν βρωμάτων, εἶτ’ ἤδη καὶ ζώντων χηνῶν καὶ λαγωῶν καὶ δορκάδων. ἀνεδίδοντο δέ, φησίν, καὶ χρυσοῖ στέφανοι; τοῖσ δειπνοῦσιν καὶ ἀργυρωμάτων πλῆθοσ καὶ θεραπόντων καὶ ἵππων καὶ καμήλων. ἔδει τε ἀναβάντα ἐπὶ τὴν κάμηλον ἕκαστον πιεῖν καὶ λαβεῖν τὴν κάμηλον καὶ τὰ ἐπὶ τὴν κάμηλον καὶ τὸν παρεστῶτα παῖδα. ἐν δὲ τῇ τεσσαρεσκαιδεκάτῃ περὶ τοῦ ὁμωνύμου αὐτοῦ Ἀντιόχου λέγων τοῦ ἐπ’ Ἀρσάκην εἰσ Μηδίαν στρατεύσαντόσ φησιν ὅτι ὑποδοχὰσ ἐποιεῖτο καθ’ ἡμέραν ὀχλικάσ· ἐν αἷσ χωρὶσ τῶν ἀναλισκομένων καὶ ἐκφατνιζομένων σωρευμάτων ἕκαστοσ ἀπέφερε τῶν ἑστιατόρων ὁλομελῆ κρέα χερσαίων τε καὶ πτηνῶν καὶ θαλαττίων ζῴων ἀδιαίρετα ἐσκευασμένα, ἅμαξαν πληρῶσαι δυνάμενα·

καὶ μετὰ ταῦτα μελιπήκτων καὶ στεφάνων ἐκ σμύρνησ καὶ λιβανωτοῦ σὺν· ἀνδρομήκεσι λημνίσκων χρυσῶν πιλήμασιν πλήθη.