헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 5)

Ἡρακλείδησ δ’ ὁ Ποντικὸσ ἐν τῷ περὶ Ἡδονῆσ τάδε λέγει· "οἱ τύραννοι καὶ οἱ βασιλεῖσ τῶν ἀγαθῶν ὄντεσ κύριοι καὶ πάντων εἰληφότεσ πεῖραν τὴν ἡδονὴν προκρίνουσιν, μεγαλοψυχοτέρασ ποιούσησ τῆσ ἡδονῆσ τὰσ τῶν ἀνθρώπων φύσεισ, ἅπαντεσ γοῦν οἱ τὴν ἡδονὴν τιμῶντεσ καὶ τρυφᾶν προῃρημένοι μεγαλόψυχοι καὶ μεγαλοπρεπεῖσ εἰσιν, ὡσ Πέρσαι καὶ Μῆδοι. "μάλιστα γὰρ τῶν ἄλλων ἀνθρώπων τὴν ἡδονὴν οὗτοι καὶ τὴν τρυφὴν τιμῶσιν, ἀνδρειότατοι καὶ μεγαλοψυχότατοι τῶν βαρβάρων ὄντεσ. "ἐστὶ γὰρ τὸ μὲν ἥδεσθαι καὶ τὸ τρυφᾶν ἐλευθέρων ἀνίησι γὰρ τὰσ ψυχὰσ καὶ αὔξει· "τὸ δὲ πονεῖν δούλων καὶ ταπεινῶν διὸ καὶ συστέλλονται οὗτοι καὶ τὰσ φύσεισ, καὶ ἡ Ἀθηναίων πόλισ, ἑώσ ἐτρύφα, μεγίστη τε ἦν καὶ μεγαλοψυχότατοι ἔτρεφεν ἄνδρασ, ἁλουργῆ μὲν γὰρ ἠμπίσχοντο ἱμάτια, ποικίλουσ δ’ ὑπέδυνον χιτῶνασ, κορύμβουσ δ’ ἀναδούμενοι τῶν τριχῶν χρυσοῦσ τέττιγασ περὶ τὸ μέτωπον καὶ τὰσ κόρρασ ἐφόρουν ὀκλαδίασ τε αὐτοῖσ δίφρουσ ἔφερον οἱ παῖδεσ, ἵνα μὴ καθίζοιεν ὡσ ἔτυχεν. "καὶ τοιοῦτοι ἦσαν οἱ τὴν ἐν Μαραθῶνι νικήσαντεσ μάχην καὶ μόνοι τὴν τῆσ Ἀσίασ ἁπάσησ δύναμιν χειρωσάμενοι. "καὶ οἱ φρονιμώτατοι δέ, φησίν, καὶ μεγίστην δόξαν ἐπὶ σοφίᾳ ἔχοντεσ μέγιστον ἀγαθὸν τὴν ἡδονὴν εἶναι νομίζουσιν, Σιμωνίδησ μὲν οὑτωσὶ λέγων τίσ γὰρ ἁδονᾶσ ἄτερ θνατῶν βίοσ ποθεινὸσ ἢ ποία τυραννίσ; "τᾶσδ’ ἄτερ οὐδὲ θεῶν ζαλωτὸσ αἰών. Πίνδαροσ δὲ παραινῶν Ιἕρωνι τῷ Συρακοσίων ἄρχοντι· "μηδ’ ἀμαύρου, φησί, τέρψιν ἐν βίῳ· "· "πολύ τοι φέριστον ἀνδρὶ τερπνὸσ αἰών. καὶ Ὅμηροσ δὲ τὴν εὐφροσύνην καὶ τὸ εὐφραίνεσθαι τέλοσ φησὶν εἶναι χαριέστερον,1 ὅταν δαιτυμόνεσ μὲν ἀοιδοῦ ἀκουάζωνται, παρὰ δὲ πλήθωσι τράπεζαι. "τοὺσ δὲ θεούσ φησιν εἶναι ῥεῖα ζώοντασ τὸ δὲ ῥεῖα ἐστὶν ἀπόνωσ, ὥσπερ ἐνδεικνύμενοσ ὅτι μέγιστόν ἐστι τῶν κακῶν ἡ περὶ τὸ ζῆν ταλαιπωρία καὶ ὁ πόνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 5

(아테나이오스, The Deipnosophists, Book 12, book 12, chapter 5)

상위

목록

SEARCH

MENU NAVIGATION