헬라어 문장 검색 - ΑριστόΡηετορί1́08́

(아리스토텔레스, 수사학, Book 1, chapter 8)

μέγιστον δὲ καὶ κυριώτατον ἁπάντων πρὸσ τὸ δύνασθαι πείθειν καὶ καλῶσ συμβουλεύειν <τὸ> τὰσ πολιτείασ ἁπάσασ λαβεῖν καὶ τὰ ἑκάστησ ἤθη καὶ νόμιμα καὶ συμφέροντα διελεῖν. πείθονται γὰρ ἅπαντεσ τῷ συμφέροντι, συμφέρει δὲ τὸ σῶζον τὴν πολιτείαν.

ἔτι δὲ κυρία μέν ἐστιν ἡ τοῦ κυρίου ἀπόφανσισ, τὰ δὲ κύρια διῄρηται κατὰ τὰσ πολιτείασ· ὅσαι γὰρ αἱ πολιτεῖαι, τοσαῦτα καὶ τὰ κύριά ἐστιν. εἰσὶν δὲ πολιτεῖαι τέτταρεσ, δημοκρατία, ὀλιγαρχία, ἀριστοκρατία, μοναρχία, ὥστε τὸ μὲν κύριον καὶ τὸ κρῖνον τούτων τι ἂν εἰή μόριον ἢ ὅλον τούτων.

ἔστιν δὲ δημοκρατία μὲν πολιτεία ἐν ᾗ κλήρῳ διανέμονται τὰσ ἀρχάσ, ὀλιγαρχία δὲ ἐν ᾗ οἱ ἀπὸ τιμημάτων, ἀριστοκρατία δὲ ἐν ᾗ κατὰ τὴν παιδείαν·

παιδείαν δὲ λέγω τὴν ὑπὸ τοῦ νόμου κειμένην. οἱ γὰρ ἐμμεμενηκότεσ ἐν τοῖσ νομίμοισ ἐν τῇ ἀριστοκρατίᾳ ἄρχουσιν. ἀνάγκη δὲ τούτουσ φαίνεσθαι ἀρίστουσ, ὅθεν καὶ τοὔνομα εἴληφεν τοῦτο. μοναρχία δ’ ἐστὶν κατὰ τοὔνομα ἐν ᾗ εἷσ ἁπάντων κύριόσ ἐστιν· τούτων δὲ ἡ μὲν κατὰ τάξιν τινὰ βασιλεία, ἡ δ’ ἀόριστοσ τυραννίσ. τὸ δὴ τέλοσ ἑκάστησ πολιτείασ οὐ δεῖ λανθάνειν·

αἱροῦνται γὰρ τὰ πρὸσ τὸ τέλοσ. ἔστι δὲ δημοκρατίασ μὲν τέλοσ ἐλευθερία, ὀλιγαρχίασ δὲ πλοῦτοσ, ἀριστοκρατίασ δὲ τὰ περὶ παιδείαν καὶ τὰ νόμιμα, τυραννίδοσ δὲ φυλακή. δῆλον οὖν ὅτι τὰ πρὸσ τὸ τέλοσ ἑκάστησ ἤθη καὶ νόμιμα καὶ συμφέροντα διαιρετέον, εἴπερ αἱροῦνται πρὸσ τοῦτο ἐπαναφέροντεσ. ἐπεὶ δὲ οὐ μόνον αἱ πίστεισ γίνονται δι’ ἀποδεικτικοῦ λόγου, ἀλλὰ καὶ δι’ ἠθικοῦ τῷ γὰρ ποιόν τινα φαίνεσθαι τὸν λέγοντα πιστεύομεν, τοῦτο δ’ ἐστὶν ἂν ἀγαθὸσ φαίνηται ἢ εὔνουσ ἢ ἄμφω, δέοι ἂν τὰ ἤθη τῶν πολιτειῶν ἑκάστησ ἔχειν ἡμᾶσ·

τὸ μὲν γὰρ ἑκάστησ ἦθοσ πιθανώτατον ἀνάγκη πρὸσ ἑκάστην εἶναι. ταῦτα δὲ ληφθήσεται διὰ τῶν αὐτῶν· τὰ μὲν γὰρ ἤθη φανερὰ κατὰ τὴν προαίρεσιν, ἡ δὲ προαίρεσισ ἀναφέρεται πρὸσ τὸ τέλοσ. ὧν μὲν οὖν δεῖ ὀρέγεσθαι προτρέποντασ ὡσ ἐσομένων ἢ ὄντων, καὶ ἐκ τίνων δεῖ τὰσ περὶ τοῦ συμφέροντοσ πίστεισ λαμβάνειν, ἔτι δὲ τῶν περὶ τὰσ πολιτείασ ἠθῶν καὶ νομίμων διὰ τίνων τε καὶ πῶσ εὐπορήσομεν, ἐφ’ ὅσον ἦν τῷ παρόντι καιρῷ σύμμετρον, εἴρηται·

διηκρίβωται γὰρ ἐν τοῖσ Πολιτικοῖσ περὶ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 1, chapter 8

(아리스토텔레스, 수사학, Book 1, chapter 8)

상위

목록

SEARCH

MENU NAVIGATION