호흡부호 보기
강세부호 보기
장단부호 보기
작은 Iota 보기
모든 부호 보기
Ἐν τούτῳ δὲ Φούρνιοσ, ὁ τῆσ Ἀσίασ ἡγούμενοσ Ἀντωνίῳ, τὸν Πομπήιον ἐλθόντα μὲν καὶ ἀτρεμοῦντα ἐδέχετο, οὔτε κωλύειν ἀξιόμαχοσ ὢν οὔτε πω τὴν γνώμην εἰδὼσ τὴν Ἀντωνίου· ἐσ δὲ τὸν Ἀχαιῶν λιμένα ἐπανελθὼν ἐσιτολόγει. γυμνάζοντα δὲ τὸν στρατὸν ὁρῶν κατέλεγέ τινασ ἐκ τῶν ὑπηκόων καὶ Αἠνόβαρβον ἄρχοντα γείτονοσ στρατοῦ καὶ Ἀμύνταν ἑτέρωθεν ἐκάλει κατὰ σπουδήν. συνελθόντων δ’ ὀξέωσ, ὁ Πομπήιοσ ἐμέμφετο, εἰ πολέμιον ἡγοῦνται τὸν πρέσβεισ ἐσ Ἀντώνιον ἀπεσταλκότα καὶ τὰ παρ’ ἐκείνου περιμένοντα. καὶ ταῦτα λέγων Αἠνόβαρβον ὅμωσ ἐπενόει συλλαβεῖν ἐκ προδοσίασ Κουρίου τινὸσ τῶν ἀμφὶ τὸν Αἠνόβαρβον, ἐλπίζων ἐσ ἀντίδοσιν αὑτοῦ μεγάλην ἕξειν μοῖραν Αἠνόβαρβον. γνωσθείσησ δ’ οὖν τῆσ προδοσίασ, Κούριοσ μὲν ἐν τοῖσ παροῦσι Ῥωμαίων ἐλεγχθεὶσ ἀπέθανε, Πομπήιοσ δὲ Θεόδωρον ἐξελεύθερον, ὃσ μόνοσ οἱ συνῄδει τὸ βούλευμα, ὡσ ἐξειπόντα ἔκτεινεν. οὐκέτι δὲ τοὺσ ἀμφὶ τὸν Φούρνιον λήσειν ἐλπίσασ, Λάμψακον ἐκ προδοσίασ κατέλαβεν, ἣ πολλοὺσ εἶχεν Ἰταλοὺσ ἐξ ἐποικίσεωσ Γαϊού Καίσαροσ, καὶ μισθοῖσ μεγάλοισ εὐθὺσ ἐστράτευε τοὺσ Ἰταλούσ. ἤδη δὲ ἔχων ἱππέασ τε διακοσίουσ καὶ πεζοὺσ τρία τέλη, ἐπεχείρησε Κυζίκῳ κατά τε γῆν καὶ διὰ θαλάσσησ. οἱ δὲ αὐτὸν ἑκατέρωθεν ἀπεκρούσαντο· καὶ γάρ τισ ἦν ἐν τῇ Κυζίκῳ στρατὸσ οὐ πολὺσ Ἀντωνίῳ, φύλακεσ τῶν ἐκεῖ τρεφομένων αὐτῷ μονομάχων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기