Appian, The Civil Wars, book 5, chapter 7 3:

(아피아노스, The Civil Wars, book 5, chapter 7 3:)

Ὁ δέ "σπένδεσθαι μέν," ἔφη, "συνεχωρήσατε ἀλλήλοισ, πρὸσ οὓσ ἂν ἐθέλητε· καὶ οὐδενὶ τῶν ἀνδροφόνων Ἀντώνιοσ ἐσπείσατο, οὐδὲν ἔλασσον ἢ αὐτὸσ σὺ τὸν σὸν πατέρα τιμῶν. Αἠνόβαρβοσ δὲ οὐκ ἔστι τῶν ἀνδροφόνων, ἡ δὲ ψῆφοσ αὐτῷ κατ’ ὀργὴν ἐπῆκται· οὐδὲ γὰρ τῆσ βουλῆσ πω τότε μετεῖχεν. εἰ δ’ ὡσ φίλῳ Βρούτου μὴ συγγνῶναι νομίζοιμεν, οὐκ ἂν φθάνοιμεν ὀλίγου δεῖν ἅπασι χαλεπαίνοντεσ; Πομπηίῳ δὲ οὐ συνέθετο μὲν συμμαχήσειν ὁ Ἀντώνιοσ, πολεμούμενοσ δ’ ὑπὸ σοῦ προσλήψεσθαι σύμμαχον ἢ καὶ σοὶ συναλλάξειν, οὐδὲν ἀνήκεστον οὐδ’ ἐκεῖνον εἰργασμένον. σὺ δὲ καὶ τῶνδε τὴν αἰτίαν ἔχεισ· εἰ γὰρ οὐκ ἐπολεμήθη κατὰ τὴν Ἰταλίαν, οὐδ’ ἂν οὗτοι πρεσβεύεσθαι ταῦτα πρὸσ τὸν Ἀντώνιον ἐθάρρουν. " καὶ ὁ Καῖσαρ ἔτι ἐπικαλῶν "τὴν μὲν Ἰταλίαν," ἔφη, "κἀμὲ σὺν αὐτῇ, Μανιοσ καὶ Φουλβία καὶ Αεύκιοσ ἐπολέμουν· ὁ δὲ Πομπήιοσ οὐ πρότερον, ἀλλὰ νῦν Ἀντωνίῳ θαρρῶν ἐπιβέβηκε τῆσ παραλίου. " καὶ ὁ Κοκκήιοσ "οὐκ Ἀντωνίῳ θαρρῶν," εἶπεν, "ἀλλὰ ὑπ’ Ἀντωνίου πεμφθείσ. οὐ γὰρ ἐπικρύψω σε, ὅτι καὶ τὴν ἄλλην Ἰταλίαν ἐπιδραμεῖται ναυτικῷ πολλῷ ναυτικὸν οὐκ ἔχουσαν, εἰ μὴ διαλύσεσθε ὑμεῖσ. " ὁ δὲ Καῖσαρ οὑ̓ γὰρ ἀμελῶσ ἤκουσε τοῦ τεχνάσματοσ̓ ἐπισχὼν ὀλίγον εἶπεν· "ἀλλ’ οὐ χαιρήσει Πομπήιοσ, κακὸσ κακῶσ καὶ νῦν ἐκ Θουρίων ἐξελαθείσ. " καὶ ὁ Κοκκήιοσ τὰ ἀμφίλογα πάντα κατιδὼν ἐπῆγε τὸν Φουλβίασ θάνατον καὶ τρόπον αὐτοῦ, ὅτι πρὸσ τὴν ὀργὴν Ἀντωτίου δυσχεράνασά τε νοσήσειε καὶ τὴν νόσον ἐπιτρίψειεν ὑπὸ τῆσ δυσθυμίασ, οὐκ ἰδόντοσ αὐτὴν οὐδὲ νοσοῦσαν Ἀντωνίου, ὡσ αἴτιον τῇ γυναικὶ θανάτου γενόμενον· ἐκποδὼν δὲ κἀκείνησ γενομένησ, οὐδενὸσ ὑμῖν ἐνδεῖν ἔτι ἔφη "πρὸσ ἀλλήλουσ πλὴν ἀληθεῦσαι, περὶ ὧν ὑπενοήσατε.

일치하는 문장이 없습니다.

SEARCH

MENU NAVIGATION