헬라어 문장 검색 - Αππιαν́ΤηεΞιϝί5́05́07́

(아피아노스, The Civil Wars, book 5, chapter 5 7:)

Τοιαῦτα δὲ εἰπόντοσ τοῦ Λευκίου καὶ σιωπήσαντοσ ὁ Καῖσαρ ἔλεξεν· "ἄσπονδον μέν σε κατιόντα πρὸσ ἐμὲ ὁρῶν, ὦ Λεύκιε, ὑπήντησα τῶν ἐμῶν ἐρυμάτων ἔτι ἐκτὸσ ὄντι κατὰ σπουδήν, ἵνα ἔτι κύριοσ ὢν σεαυτοῦ βουλεύοιο καὶ λέγοισ καὶ πράττοισ, ἃ νομίζεισ σοι συνοίσειν. ἐπεὶ δ’, ὅπερ ἐστὶ τῶν ἀδικεῖν ὁμολογούντων, σαυτὸν ἡμῖν ἐπιτρέπεισ, οὐδὲν ἔτι δέομαι διελέγχειν, ὅσα σὺν τέχνῃ μου κατεψεύσω. ἐξ ἀρχῆσ δέ με βλάψειν ἑλόμενοσ καὶ νῦν ἔβλαψασ. σπονδὰσ γάρ μοι τιθέμενοσ ἔτυχεσ ἂν ἠδικημένου καὶ νενικηκότοσ· ἄσπονδον δὲ σαυτόν τε καὶ τοὺσ φίλουσ ἐπιτρεπων ἡμῖν καὶ τὸν στρατόν, ἀφαιρῇ μὲν πᾶσαν ὀργήν, ἀφαιρῇ δὲ καὶ τὴν ἐξουσίαν, ἣν σπενδόμενοσ ἂν ἔδωκασ ὑπ’ ἀνάγκησ. συμπέπλεκται γὰρ οἷσ ἄξιον ὑμᾶσ παθεῖν, τὸ προσῆκον ὧν ἐμὲ δίκαιόν ἐστι ποιεῖν· ὃ δὴ προτιμήσω διά τε τοὺσ θεοὺσ καὶ δι’ ἐμαυτὸν καὶ διὰ σέ, ὦ Λεύκιε, καὶ οὐ ψεύσω σε τῆσ προσδοκίασ, ἣν ἔχων περὶ ἐμαυτοῦ κατελήλυθασ. " Ταῦτα μὲν ἔλεξαν ἀλλήλοισ, ὡκ ἐκ τῶν ὑπομνημάτων ἦν ἐσ τὸ δυνατὸν τῆσδε τῆσ φωνῆσ μεταβαλεῖν τεκμαιρομένῳ τῆσ γνώμησ τῶν λελεγμένων. καὶ διεκρίθησαν, ὁ μὲν Καῖσαρ ἐν ἐπαίνῳ καὶ θαύματι τὸν Λεύκιον ἔχων, οὐδὲν ὡσ ἐν συμφοραῖσ ἀγεννὲσ οὐδ’ ἀσύνετον εἰπόντα, ὁ δὲ Λεύκιοσ τὸν Καίσαρα τοῦ τε ἤθουσ καὶ βραχυλογίασ. οἱ λοιποὶ δ’ ἐτεκμαίροντο τῶν εἰρημένων ἐκ τῆσ ὄψεωσ ἑκατέρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 5, chapter 5 7:

(아피아노스, The Civil Wars, book 5, chapter 5 7:)

상위

목록

SEARCH

MENU NAVIGATION