Appian, The Civil Wars, book 5, chapter 1 10:

(아피아노스, The Civil Wars, book 5, chapter 1 10:)

Καὶ δοκεῖ τόδε τὸ ἔργον Ἀντωνίῳ τὸν μετ’ οὐ πολὺ Παρθυικὸν πόλεμον ἐξάψαι, πολλῶν ἐκ Συρίασ τυράννων ἐσ αὐτοὺσ συμφυγόντων. ἡ γὰρ Συρία μέχρι μὲν ἐπ’ Ἀντίοχον τὸν Εὐσεβῆ καὶ τὸν τοῦ Εὐσεβοῦσ υἱὸν Ἀντίοχον ὑπὸ τοῖσ ἐκ Σελεύκου τοῦ Νικάτοροσ ἐβασιλεύετο, ὥσ μοι περὶ Σύρων λέγοντι εἴρηται· Πομπηίου δ’ αὐτὴν Ῥωμαίοισ προσλαβόντοσ καὶ στρατηγὸν αὐτῇ Σκαῦρον ἀποδείξαντοσ, ἡ βουλὴ μετὰ Σκαῦρον ἔπεμψεν ἑτέρουσ καὶ Γαβίνιον τὸν Ἀλεξανδρεῦσι πολεμήσαντα, ἐπὶ δὲ Γαβινίῳ Κράσσον τὸν ἐν Παρθυαίοισ ἀποθανόντα καὶ Βύβλον ἐπὶ τῷ Κράσσῳ. παρὰ δὲ τὴν Γαϊού Καίσαροσ ἄρα τελευτὴν καὶ στάσιν ἐπ’ αὐτῇ κατὰ πόλεισ ὑπὸ τυράννων εἴχετο, συλλαμβανόντων τοῖσ τυράννοισ τῶν Παρθυαίων· ἐσέβαλον γὰρ δὴ καὶ ἐσ τὴν Συρίαν οἱ Παρθυαῖοι μετὰ τὴν Κράσσου συμφορὰν καὶ συνέπραξαν τοῖσ τυράννοισ. οὓσ ὁ Ἀντώνιοσ ἐξελαύνων ὑποφεύγοντασ ἐσ τὴν Παρθυηνὴν καὶ τοῖσ πλήθεσιν ἐπιβάλλων ἐσφορὰσ βαρυτάτασ καὶ ἐσ Παλμυρηνοὺσ τάδε ἁμαρτών, οὐδ’ ἐπέμεινε συστῆσαι τὴν χώραν θορυβουμένην, ἀλλὰ τὸν στρατὸν ἐσ τὰ ἔθνη διελὼν χειμάσοντα αὐτὸσ ἐσ Αἴγυπτον ᾔει πρὸσ Κλεοπάτραν.

일치하는 문장이 없습니다.

SEARCH

MENU NAVIGATION